Ljúffengt krispí kínóapops súkkulaði.
Það sem þú þarft fyrir þessa uppskrift er:
1/2 bolli kakósmjör 2 msk möndlusmjör
1 tsk lífræn vanilla (duft ekki dropar) 1/4 bolli kókossíróp 1/2 bolli raw kakó 1 msk lucuma (setur punktinn yfir i-ið) 2 bollar kínóapops smá Maldon sjávarsalt
Aðferð:
- Bræðið kakósmjör í vatnsbaði
- Á meðan kakósmjörið er að brána, setjið þá kakóið, lucuma, vanilluna og sjávarsaltið í skál og blandið vel.
- Þegar kakósmjörið hefur bráðnað alveg, setjið þá möndlusmjörið út í og hrærið vel.
- Þegar möndlusmjörið og kakósmjörið hefur blandast vel saman, hellið þá kókossírópinu út í. Blandið vel.
- Hellið blöndunni í skálina með þurrefnunum og blandið vel saman með lítilli pisk.
- Þegar allt hefur blandast vel saman, hellið þá kínóapopsinu út í skálina. Gott er að nota sleikju til að blanda öllu saman.
- Notið tvær teskeiðar og setjið kínóapops – súkkulaðið í lítil silikonform. Þið getið líka notað lítil muffins form (það er fallegra þannig).
- Setjið í frysti og geymið í sirka klukkustund. Þá ætti súkkulaðið að vera tilbúið.
Höfundur: Jóhanna S. Hannesdóttir blaðamaður, rófnabóndi og höfundur bókarinnar 100 heilsuráð til langlífis.
