Rauðrófur eru með því hollara sem til er og þegar engifer og hvítlaukur eru líka með í partýinu getur þú verið viss um að kroppurinn mun þakka þér.
Þessi er einföld og hentar jafnt sem forréttur eða sem léttur aðalréttur með góður brauði eða salati.
Innihald:
- 1 msk biona kókosolía
- 1 stór laukur skorinn smátt
- 3 hvítlauksgeirar smátt saxaðir
- 1 msk fínt söxuð engiferrót
- 600ml grænmetissoð
- 500gr rauðrófur, afhýddar og skornar í bita
- 1 dós biona lífræn kókosmjólk
Aðferð:
- Steikið laukinn uppúr kókosolíu við miðlungshita í meðalstórum potti þangað til hann er glær og ilmandi
- Bætið hvítlauk og engifer saman við
- Bætið rauðrófum og grænmetissoði útí og látið suðuna koma upp
- Lækkið undir og látið súpuna malla í um 10 mínútur eða þar til rauðrófurnar eru meyrar
- Takið súpuna af hitanum, hellið kókosmjólk útí og blandið með töfrasprota þar til súpan er mjúk