Þessi súpa er haukur í horni fyrir ónæmiskerfið enda ekki verið að spara hvítlaukinn.
Sannkölluð næringarbomba sem yljar og kitlar bragðlaukana.
Innihald:
- 600 ml grænmetissoð
- 2 msk lífræn Biona kókosolía
- 1 spergilkálshöfuð
- 200 gr spínat og/eða grænkál
- 1 dós Biona smjörbaunir, vatninu hellt af
- 4 hvítlauksgeirar
- Handfylli af fersku kóríander
- 1 tsk cumin duft
- 1 tsk cayenne pipar
- Safi úr 2 sítrónum
Ofaná ef vill:
- 30 gr kínóa frá Sólgæti – eldað skv. Leiðbeiningum á poka
- Saxað spergilkál
Aðferð:
- Skerið spergilkálið í litla bita
- Merjið hvítlaukinn og steikið í kókosolíunni ásamt cumin og cayenne pipar
- Bætið spergilkálinu útá og steikið þangað til það er meyrt
- Bætið spínati/grænkáli við og leyfið því að meyrna og minnka umfang sitt
- Setjið baunir, sítrónusafa, kóríander, spergilkál og spínat/grænkál og grænmetissoð í blandara og blandið vel.
- Hellið í pott og látið malla í nokkar mínútur
- Toppið með kínóa og spergilkáli
