Smoothie, hristingur, þeytingur, heilsudrykkur! Hvað sem þú vilt kalla svona guðdómlega gums drykki þá eru þeir sívinsælir. Líka hægt að útfæra á svo margan hátt, endalausir möguleikar.
Sunna Ben hjá Reykjavegan á þessa skemmtilega jólalegu útgáfu sem er stútfull af trefjum, góðri næringu og ekki síst bragði! Allir kanil unnendur munu kunna að meta þennan, það er ekki spurning.
Innihald:
- 1 epli (2 ef þau eru mjög lítil) kjarnhreinsað og skorið í bita
- 1 banani
- 1 – 1&1/2 bolli Koko kókosdrykkjarmjólk
- 2-5 döðlur frá Sólgæti (fleiri döðlur=sætari drykkur)
- 2 tsk chia fræ frá Sólgæti
- 1 msk valhnetur eða kasjúhnetur frá Sólgæti
- Smá vanilluduft, vanilluextrakt eða vanillustevía
- 2 tsk lífrænt kanilduft frá Sonnentor (gott að byrja á 1 tsk og smakka, bæta svo meira við ef vill)
- Smá múskat, bara lítið, annað hvort duft á hnífsoddi eða 2-3 „rif“ á fínu rifjárni (valkvætt en mjög gott)
- 1/4 tsk malað engiferduft frá Sonnentor (valkvætt en mjög gott)
Aðferð:
- Láttu chia fræin standa í Koko mjólkinni á meðan þú vinnur restina til
- Skelltu svo öllu saman í blandarann
Ath. Ef þú vilt þykkari drykk er hægt að nota vegan jógúrt eða meiri chiafræ.
Njóttu vel!
