L-Theanine | Einstök amínósýra sem getur slakað og aukið vellíðan

Hvað er L-Theanine?
L-theanine er amínósýra sem finnst í grænu og svörtu te, og er því í örlitlu magni í hverjum bolla af svörtu og grænu tei sem þú drekkur. Mest þó í matcha grænu tei.

L-theanine er líka hægt að kaupa sem bætiefni.

Hvað gerir þessi merkilega amínósýra?
Þekktustu áhrif L-theanine eru taugaslökun, bætt einbeiting og minni kvíði. En hvers vegna hefur hún þessi áhrif. Jú, rannsóknir hafa sýnt að hún eykur virkni alpha heilabylgna sem tengjast einmitt slökunarástandi1. Hugleiðsla og hreyfing geta líka aukið þessar bylgjur svo dæmi séu nefnd. Alpha heilabylgjur eru einmitt þekktar fyrir að vinna gegn kvíða og þunglyndi, m.a. þess vegna virkar núvitund svona vel á kvíða.

Hvernig nota ég L-Theanine?
L-theanine má nota tímabundið eða að staðaldri yfir ákveðið tímabil.  Ef eitthvað veldur stressi eða kvíða gæti L-theanine hjálpað en margir nýta sér áhrif amínósýrunnar til að minnka stress-einkenni og auka jafnvægi.

Við erum öll ólík
L-theanine hefur ekki nákvæmlega sömu áhrif á alla, enda er enginn eins.  Flestum finnst hún róa hugann en efla einbeitingu á sama tíma. Þannig virkar hún mjög vel til að nota yfir daginn. Aðrir finna fyrir mjög slakandi og allt að svæfandi áhrifum. Þetta er mun sjaldgæfara en þarna myndi hún henta betur til að bæta svefninn.

Til athugunar
Fólk sem tekur inn lyf við of háum blóðþrýstingi ætti að ráðfæra sig við lækni áður en það prófar L-theanine því að hún getur lækkað blóðþrýsting lítillega. L-theanine getur einnig haft milliverkun við örvandi lyf. Þeir sem taka inn geðlyf af einhverju tagi ættu að ráðfæra sig við lækni fyrir inntöku. Á það einnig við um barnshafandi konur eða þær sem hafa börn á brjósti. Að lokum má taka fram að auðvitað er L-theanine engin töfralausn en margar rannsóknir hafa sýnt fram á góða virkni.

Teplantan inniheldur þessa merkilegu amínósýru í töluverðu magni

Heimildir:

  1. Nobre A., Rao A., Owen G. (2008). L-theanine, a natural constituent in tea, and its effect on mental state. Asia pacific journal of clinical nutrition: 17 (167-168). Sótt hér: http://apjcn.nhri.org.tw/server/APJCN/17%20Suppl%201/167.pdf