Kjúklingabaunapasta með ofnbökuðu grænmeti

Kjúklingabauna fusilli frá Profusion er frábær kostur fyrir þá sem vilja minnka við sig kolvetni eða þola illa hveiti og aðrar kornvörur en vilja gæða sér á góðu pasta.

Þessi réttur er ótrúlega einfaldur og góður og auðvitað mjög næringarríkur.

Innihald:

  • 2 rauðar paprikur, skornar í strimla
  • 1 stórt eggaldin, skorið í bita
  • 1 rauðlaukur, skorinn í þunnar sneiðar
  • 2 hvítlauksgeirar í hýðinu
  • Ólífuolía
  • Svartur pipar
  • 8 kirsuberjatómatar , skornir til helminga
  • 2 handfyllir fersk basillauf, söxuð gróflega
  • 200 gr kjúklingabauna fusilli frá Profusion
  • 2 msk pestó (má sleppa)

Aðferð:

  • Stillið ofninn á 180°C með blæstri
  • Raðið papriku, eggaldin, rauðlauk og hvítlauk á ofnplötu
  • Hellið smá ólífuolíu yfir og stráið salti og pipar jafnt yfir
  • Bakið í heitum ofninum í 20 mínútur
  • Hrærið þá aðeins í grænmetinu, bætið tómötunum á plötuna og bakið í 20 mínútur í viðbót
  • Eldið pastað samkvæmt leiðbeiningum á umbúðum, sigtið svo og setjið það aftur í pottinn
  • Hellið smá ólífuolíu yfir pastað, bætið pestó saman við og hrærið vel saman
  • Þegar grænmetið er tilbúið; takið hýðið af hvítlauknum og stappið hann í skál með smá ólífuolíu og hrærið svo saman við grænmetið
  • Blandið nú pasta og grænmeti saman, stráið basil yfir og berið fram