Kjúklingabaunir í köku! Já, afhverju ekki? Kjúklingabaunirnar eru nefnilega svo magnaðar, geta virkað bæði í sætar og saltar uppskriftir og gefa fína áferð í kökur. Snilld að nota próteinríkar baunir í kökur sem eru venjulega algjörar kolvetnabombur.
Innihald:
- 200gr 70% VIVANI súkkulaði – brotið í bita
- 150gr flórsykur – sigtaður
- 150gr smjör eða kókosolía
- 400gr dós af Biona kjúklingabaunum – sigtaðar og skolaðar
- 3 egg – hvítur og rauður aðskildar
- Smá kakóduft til að skreyta
Í kókosrjómann:
- Biona kókosmjólk í dós – setjið í kæli yfir nótt
Aðferð:
- Bræddu súkkulaðið yfir vatnsbaði og leyfðu því svo að kólna í 20 mín
- Hitaðu ofninn að 190°C
- Smyrðu 23cm hringlaga form með kókosolíu og klæddu það svo með bökunarpappír
- Settu flórsykur, kókosolíu og kjúklingabaunir í matvinnsluvél og blandaðu þangað til silkimjúkt. Þú gætir þurft að skafa niður með hliðunum nokkrum sinnum.
- Bættu eggjarauðunum saman við og blandaðu vel
- Bættu nú bráðna súkkulaðinu með því að hella því saman við á meðan vélin gengur
- Stífþeyttu eggjahvíturnar og blandaðu þeim varlega saman við deigið með sleikju
- Helltu deiginu í formið og bakaðu í miðjum ofni í 35 mínútur eða þangað til kakan hefur lyft sér og byrjar að losna frá köntunum.
- Taktu kökuna út og leyfðu henni að kólna í forminu – sigtaðu svo smá kakóduft yfir hana
- Opnaðu kókosmjólkurdósina og taktu bara þykka hlutann frá
- Þeyttu kókosrjómann í hrærivél og berðu fram með kökunni