Guli miðinn kynnir nýja kynslóð D-vítamíns á Íslandi

D3 Súper er ný vara frá Gula miðanum sem inniheldur Ampli-D®, nýja kynslóð D-vítamíns í formi calcifediol. Rannsóknir benda til þess að þetta form geti hækkað D-vítamíngildi í blóði hraðar en hefðbundið D3-vítamín.

Ampli-D® var heimilað sem nýfæði (Novel Food) innan Evrópusambandsins árið 2024 og árið 2025 var það bætt á lista ESB yfir leyfileg form vítamína í fæðubótarefnum.

Hvað gerir Ampli-D® öðruvísi?

Hefðbundið D3-vítamín inniheldur kólekalsíferól. Þegar það berst í líkamann fer það í gegnum umbreytingarferli, meðal annars í lifrinni, þar sem það verður að calcifediol, einnig nefnt calcidiol. Það er þetta form sem almennt er mælt þegar D-vítamíngildi í blóði eru metin.

Ampli-D® inniheldur calcifediol beint. Líkaminn þarf því ekki fyrst að umbreyta D3-vítamíninu í calcifediol, sem er einn helsti munurinn á þessum tveimur formum D-vítamíns.

Samkvæmt framleiðandanum hafa klínískar rannsóknir sýnt að calcifediol geti hækkað D-vítamíngildi í blóði allt að 2,5 sinnum hraðar en sambærilegur skammtur af hefðbundnu D3-vítamíni. Niðurstöðurnar snúa að hraða hækkunar D-vítamíngilda og geta verið mismunandi eftir einstaklingum.

D3 Súper Ampli-D er því nýr valkostur fyrir þá sem vilja kynna sér þróun á sviði D-vítamína og nýjar vísindalegar leiðir til að styðja við D-vítamínbúskap líkamans.