Súkkulaði ís með svartbauna födge

sukkuladiis med svartbauna fudge

Uppskrift að gómsætum súkkulaði ís með svartbauna födge. Þessi er 100% vegan, er laus við: mjólk, glúten og egg!
Vantar spennandi eftirétt um áramótin? Þá erum við viss um þessi eigi eftir að slá í gegn.

Hér kemur uppskriftin:

Innihald:
100 gr 70% dökkt lífrænt súkkulaði
1 dós kókosmjólk
2 tsk vanilla
2 dl soðnar svartar baunir (sjóða samkvæmt leiðbeiningum á pakka)
1dl grófhakkaðar pistasíur
½ dl hlynsíróp (lífrænt frá Bio Zentrale)
½ dl kakonibbur

Aðferð: Hitið kókosmjólkina að suðu og takið pottinn af hellunni, brjótið niður súkkulaðið í kókosmjólkina og bræðið ( í c.a 1-2 min), bætið við vanilludropum, hrærið þessu vel saman í um það bil mínútu, látið kólna eða setjið í kalt vatnsbað, hrærið þar til það verður kalt ef liggur á.

1. Skolið og þerrið svörtu baunirnar vel, setjið á pönnu ásamt hlynsírópinu látið „karamelluserast“ á meðalháum hita þar til vökvinn er nánast horfinn, hrærið vel á meðan og passið að þær brenni ekki, kælið
2. Setjið baunir, nibbur og pistasíur saman við kókosmjólk/- súkkulaði blönduna og setjið í ísvél. Ef þú átt ekki ísvél, setjið þá í frysti og hrærið reglulega, ef ísinn er borin fram beint úr frysti þarf hann að standa í 10-20 min áður en hann er borin fram.

Áferðin á baununum verður eins og að bíta í födge þegar þær eru frosnar og síróps húðunin gerir þær mjög ljúffengar.

Uppskrift er sett saman af Kristínu Steinarsdóttur kokki.

Deila
Fyrri greinSólgætis kex
Næsta greinlinsubauna paté