Paleo gulrótabeyglur

Gómsætar beyglur sem eru lágar í kolvetnum, passa í hvert mál og hægt að toppa með hverju sem hugurinn girnist.

Innihald:

  • 4 egg
  • 1 1/2 dl möndlumjöl frá Sólgæti
  • 1 1/2 msk kókoshveiti frá Sólgæti
  • 1/2 tsk matarsódi frá Sólgæti
  • 2 msk brædd kókosolía frá Sólgæti
  • 2 msk psyllium husk trefjar
  • 1/2 tsk salt
  • 2 dl rifnar gulrætur
  • 1 dl sólblómafræ frá Sólgæti
  • 1 msk hunang
  • Sesamfræ eða sólblómafræ til að strá ofaná

Aðferð:

  1. Setjið öll hráefnin í matvinnsluvél nema gulrætur og sólblómafræ
  2. Blandið í 30-60 sek
  3. Setjið blönduna í skál og blandið gulrótum og sólblómafræjum varlega saman við
  4. Látið standa í 10 mínútur
  5. Hitið ofninn að 200°C
  6. Skiptið deiginu í 6 parta og setjið hvern part á bökunarplötu með smjörpappír með skeið og mótið í hálf flatan hring
  7. Notið fingur til að búa til gat í miðjuna á beyglunni
  8. Bakið í 20-30 mínútur

Toppið með klassísku áleggi eins og rjómaosti og reyktum laxi eða osti og sultu. Líka gott með hummus, pestó, hnetusmjöri eða hverju sem hugurinn girnist.