Þessi er bragðgóð, fersk og glettilega holl!
Fullkomin í afmælið, saumaklúbbinn eða bara þegar þú vilt gera vel við þig og næra þig í leiðinni.
Botn:
- 4 msk sólblómafræ
- 4 msk möluð hörfræ
- 2 msk kakónibbur
- 9 stórar steinlausar döðlur
- Smá klípa af sjávarsalti
Fylling:
- 2 bollar kókosmjöl
- 2 vel þroskaðir bananar
- 1 bolli kasjúhnetur
- 5 msk hlynsíróp
- 4 tsk agar agar flögur
- 3 tsk Bloom Mojito matcha grænt te
- 2 tsk vanillu extrakt
- 1 dropi piparmyntu olía
- nokkur fersk myntulauf til að skreyta
Aðferð:
- Allt í botninn sett í matvinnsluvél og unnið vel þar til blandan loðir vel saman
- Dreifið jafnt yfir botninn á ca. 20cm víðu kökuformi og þjappið vel niður (líka hægt að setja í minna form fyrir þykkari köku eða deila á nokkur lítil form)
- Látið kasjúhnetur liggja í bleyti í a.m.k. 4 klst og sigtið svo vatnið frá og skolið hneturnar
- Setjið allt í fyllinguna nema matcha og piparmyntuolíu í matvinnsluvél og blandið þar til silkimjúkt
- Dreifið nú helmingnum af fyllingunni yfir botninn og stingið inn í frysti í 15 mínútur
- Bætið matcha og piparmyntu olíu út í restina af fyllingunni og blandið þar til blandan er fallega græn
- Hellið nú grænu fyllingunni yfir þá hvítu og geymið í kæli í nokkrar klst áður en borið er fram
- Flott að strá smá matcha dufti yfir og skreyta með ferskum myntulaufum áður en borið er fram