Grænn og guðdómlegur hummus

Hér er búið að poppa upp hinn klassíska hummus og „grænvæða hann“!

Útkoman er bæði falleg og bragðgóð og skemmtileg tilbreyting.

Innihald:

  • 3 kúfaðar msk tahini
  • 4 msk ferskur sítrónusafi
  • 2 msk ólífuolía
  • 15 gr grófsöxuð fersk steinselja
  • 60 gr grófsaxað ferskt spínat
  • 2-3 msk grófsaxaður graslaukur
  • 1 stór hvítlauksgeiri, saxaður smátt eða rifinn á rifjárni
  • Sjávarsalt eftir smekk
  • 1 dós lífrænar kjúklingabaunir frá Biona, vatninu hent og þær skolaðar með köldu vatni

Aðferð:

  • Setjið allt í matvinnsluvél og vinnið þangað til hummusinn er silkimjúkur
  • Gott að stoppa eftir ca. 1 mínútu og skafa niður með hliðunum og blanda svo betur.
  • Berið fram í fallegri skál og skreytið e.t.v. með saxaðri steinselju, chilli og ólívuolíu.
  • Geymist í kæli í viku.