Ekkert venjulega gott vegan lasagna

Þessi hljómar flóknari en hún er. Tekur smá tíma en er vel þess virði. Gott að hafa góðan tíma, kannski fullkomin helgarmáltíð.

Líka frábært að gera vænan skammt til að eiga afgang og spara tíma daginn eftir. Þig mun líka langa til að borða þetta guðdómlega lasagna marga daga í röð, svo gott er það.

Innihald:

Tómatgrunnur

  • 1 dós Biona lífrænir saxaðir tómatar
  • 2 msk Biona lífræn tómatpúrra
  • 1 msk Biona lífræn kókosolía
  • ½ laukur, saxaður smátt
  • 2 hvítlauksgeirar, saxaðir smátt
  • 2 msk saxað ferskt basil
  • 2 msk söxuð fersk steinselja
  • 1 msk þurrkað oregano
  • 1 tsk sjávarsalt
  • 1 tsk malaður svartur pipar

Aðferð:

  • Hitið olíu í potti og steikið laukinn við miðlungs hita í 1-2 mínútur.
  • Bætið þá hvítlauk við og steikið í 2 mínútur
  • Bætið tómatpúrru og kryddum við og eldið í 2 mínútur
  • Hellið loks tómötunum úr dósinni saman við og látið malla í 30-45 mínútur

Tófú „ricotta“

Innihald:

  • 1 tofu kubbur, mulinn niður
  • 30 gr næringarger
  • 2 hvítlauksgeirar, rifnir á fínu rifjárni
  • 2 tsk Biona lífræn kókosolía
  • 2 tsk sítrónusafi
  • 30 gr ferskt basil, saxað fínt
  • ½ tsk sjávarsalt
  • ½ tsk malaður svartur pipar

Aðferð:

  • Myljið tofukubbinn í skál
  • Hnoðið restinni saman við
  • Geymið í kæli þangað til kemur að því að setja saman lasagnað

Kasjú „bechamel“ sósa

Innihald:

  • 2 bollar kasjúhnetur frá Sólgæti lagðar í bleyti í a.m.k. 4 klst og vatninu hellt af
  • 300 ml vatn
  • 1/2 tsk salt
  • 1 msk næringarger
  • ¼ tsk malað múskat

Aðferð:

  • Setjið allt í blandara og blandið þangað til silkimjúkt

Önnur innihaldsefni:

  • 1 pakki Biona lífrænar lasagna plötur
  • Vegan mozzarella
  • 1 msk Biona lífræn kókosolía
  • 1 kúrbítur, skorinn þunnt með flysjara og steiktur á pönnu
  • 2 gulrætur skornar þunnt með flysjara og steiktar á pönnu
  • 1 poki spínat steikt á pönnu á 2-3 mínútur

Aðferð við að setja saman

  • Hitið ofninn í 200°C
  • Raðið lögunum í djúpt eldfast mót í eftirfarandi röð:
  • ¼ af tómatsósunni neðst
  • 1 lag af lasagna plötum
  • Helmingurinn af tofu ricotta
  • 1/4 af vegan mozzarella
  • Allt spínatið
  • Helmingurinn af kasjú sósunni
  • 1 lag af lasagna plötum
  • ¼ af tómatsósunni
  • Hinn helmingurinn af tofu ricotta
  • ¼ af vegan mozzarella
  • Kúrbítur og gulrætur eru næsta lag
  • Restin af kasjú sósunni
  • 1 lag af lasagna plötum
  • Restin af tómatsósunni
  • Vegan mozzarella efst
  • Hyljið með álpappír og bakið í 40 mín
  • Takið álpappírinn af og bakið í 10 mín í viðbót
  • Takið úr ofninum og látið bíða í 15-20 mínútur áður en þið skerið það niður