Þessar bráðna í munni og Anna Guðný hafði uppskriftina viljandi litla því það er erfitt að klára ekki hvern einasta mola 😉 Það er auðvitað hægt að tvöfalda og jafnvel margfalda uppskriftina ef þú ætlar að deila eða bjóða uppá þessa dásemd í næstu veislu.
Innihald:
- 2 msk möndlusmjör
- 3 msk hrákakó
- 2 msk kókosolía
- 3 msk hlynsíróp
- 1 msk kakósmjör
- 1/4 tsk vanilluduft
- gróft salt
Aðferð
- Byrjaðu á því að bræða kókosolíuna og kakósmjörið.
- Settu síðan öll hráefnin saman í matvinnsluvél og láttu hana blanda þessu vel saman þar til að þetta er orðið silkimjúkt deig.
- Ég setti bökunarpappír í lítið brauðform og mótaði deigið síðan þar ofan í en þú getur að sjálfsögðu sett þetta á hvað sem er. Mótaðu þetta og settu þetta síðan beint inn í frysti.
- Þegar að karamellurnar hafa harðnað í frystinum er þér óhætt að taka þær út, skera niður í teninga og setja þær síðan í lokaða krukku.
- Karamellurnar verða að geymast í frystinum.
Uppskriftin og myndirnar eru sköpun og eign Önnu Guðnýjar Torfadóttur
