Íslensk grænmetismáltíð

Falleg og nærandi máltíð

Anna Guðný Torfadóttir á þessa uppskrift sem er í senn falleg og holl. Það má með sanni segja að þetta er máltíð sem er ofurhlaðin hollustu.

Kúrbítsnúðlur

  • 1/2 kúrbítur
  • 1 msk hvítvínsedik frá Biona
  • 2 msk næringarger frá KAL
  • 1 msk lífræn kaldpressuð ólífuolía frá Biona
  • 1/2 msk oreganó frá Sonnentor
  • 1/2 tsk gróft salt
  • 1 tsk birkifræ frá Sólgæti (má sleppa)
  1. Yddaðu kúrbítinn með grænmetisyddara.
  2. Hrærðu innihaldsefnunum saman við núðlurnar

Hirsi

  • 2 bollar soðið hirsi frá Sólgæti
  • 2-3 stilkar sellerí
  • 3 þurrkaðar fíkjur frá Sólgæti
  • Gróft salt
  1. Sjóðið hirsi skv. leiðbeiningum á umbúðum
  2. Skerðu sellerí og fíkjur smátt
  3. Hrærðu öllu saman og smakkaðu til með salti

Gulrætur

  • 10 gulrætur
  1. Fljótlegast er að gufusjóða gulræturnar þar til þær eru eldaðar í gegn og steikja þær síðan á pönnu upp úr ólífuolíu og salti.
  2. Einnig má velta þeim uppúr olíu og salti og baka í ofni við 180°C þangað til þær eru mjúkar í gegn og brúnaðar að utan.

Rauða sósan

  • 2 lúkur af kasjúhnetum frá Sólgæti
  • 1 paprika
  • 1,5 plómutómatur
  • 2 hvítlauksrif
  • 5 msk lífræn kaldpressuð ólífuolía frá Biona
  • 100 ml vatn
  • 1 msk tómatpúrra frá Biona
  • 1 tsk oreganó frá Sonnentor
  • 1/2 tsk chilliduft frá Sonnentor
  • 1,5 tsk salt
  • Svartur pipar
  1. Bakaðu kasjúhnetur í ofni við 150°C í 10-15 mín
  2. Skerðu paprikuna gróft niður og penslaðu með ólífuolíu
  3. Hafðu tómatana heila og penslaðu þá líka með ólífuolíu
  4. Bakaðu nú papriku, tómata og hvítlauk í ofni þar til allt er vel bakað og mjúkt
  5. Settu svo allt saman í blandara og blandaðu þangað til sósan er silkimjúk
  6. Raðið öllu fallega á disk eða í skál og njótið
  7. Sósan passar með bókstaflega öllu! T.d. hægt að blanda við ofnsteikt grænmeti, nota hana á salöt, blanda við kínóa eða hrísgrjón eða nota hana sem ídýfu.

Uppskriftin er eftir Önnu Guðnýju Torfadóttur og allar myndir eru eftir hana og í hennar eigu. Anna Guðný heldur úti blogginu Heilsa og vellíðan þar sem hún deilir dásamlegum, hollum uppskriftum og ýmsum fróðleik um bæði andlega og líkamlega heilsu.